अभिनेता दीपकराज गिरी व्यङ्ग्य गर्न माहिर छन् । बेलाबेलामा हुने राजनीतिक परिवर्तनलाई समेत उनी व्यङ्ग्य गर्दै आएका छन् । पछिल्लो समय हुन लागेको सत्ता समीकरण परिवर्तनलाई लिएर पनि गिरीले रास्वपा लक्षित व्यङ्ग्य गरेका हुन् ।
मंगलबार बिहान सामाजिक सञ्जालमा एक पोस्ट गर्दै उनले अब रातारात देशी विदेशी शक्तिको ग्रान्ड डिजाइनमा सरकार परिवर्तन गरियो भन्ने सुन्नुपर्ने दिन आउने बताएका छन् । उनले भनेका छन्, ‘नतिजा आउँदै थियो ! ठुला माछा समाउँदै थियौँ ! त्यो थाहा पाएर रातारात देशीविदेशी शक्तिको ग्रान्ड डिजाइनमा सरकार परिवर्तन गरियो । अब सुन्नुपर्ने कुरा !’