सन् २०१८ मा रिलिज भएको फिल्म ‘स्त्री’को दोस्रो श्रृंखला ‘स्त्री २’ लाई दर्शक उत्सुकतासहित पर्खिरहेका छन् । फिल्मले बलिउड बक्स अफिसमा रहेको खडेरीलाई हटाउने अपेक्षा छ ।
बिहीबार मुम्बईमा आयोजित पत्रकार सम्मेलनमा ट्रेलर सार्वजनिक गरिएको छ । यसपटक मुख्य पात्र चन्देरीसामु नयाँ समस्या आइलागेको छ । यसपटकको आतंक स्त्रीको होइन, सरकटे (शीर काटिएको पात्र)को आतंक फिल्ममा छ ।
१५ अगस्टमा फिल्म प्रदर्शन तयारीमा छ । कमेडी-हरर फिल्मको ट्रेलर पंकज त्रिपाठीको आवाजबाट सुरु हुन्छ । ट्रेलरमा सरकटे पात्रको आतंक देखाउन खोजिएको छ । चन्देरीबासी महिलासँगै हिंड्डुल गर्न डराउँछन् । त्रासबीच ट्रेलरमा कमेडी दृश्य पनि समावेश गरिएको छ । स्त्रीको भूमिकामा श्रद्धा कपुर डरलाग्दो अवतारमा प्रस्तुत छिन् ।